Upplýsingar um útboð erlendis

Tenders Electronic Daily (TED), er opinber vefur þar sem birt eru öll útboð á EES yfir viðmiðunarmörkum. Ekkert kostar að nota TED og með því að skrá sig á vefinn er hægt að leita að tækifærum m.a. eftir löndum og atvinnugreinum/vöru/þjónustu. Leitarskilyrðin er síðan hægt að vista og fá sendan tölvupóst þegar ný útboð, sem passa við leitarskilyrðin, eru skráð í grunninn. Hægt er að vera með marga leitarprófíla í gangi í einu, t.d. einn fyrir hvert land eða vöruflokk. Við leitina í TED er mikilvægt að nota ekki of þröng leitarskilyrði því það er nú oft þannig að sá sem skráir útboðið í grunninn er ekki endilega sérfræðingur á því sviði sem útboðið tekur til og alltaf geta orðið mistök.

Gott er að nota TED til að undirbúa inngöngu á markað. Þar er ekki aðeins að finna upplýsingar um opinberar stofnanir og fyrirtæki sem bjóða út verk, vöru og þjónustu heldur er einnig hægt að skoða hver fær þau verkefni sem boðin hafa verið út. Þessar upplýsingar má nota til að koma fyrirtækinu á framfæri við kaupendur og mögulega samstarfsaðila erlendis.

Erfiðara getur verið að finna útboð undir viðmiðunarmörkum, þar sem um þau gildir ekki sama auglýsingaskylda. Á SIMAP, sem er hliðarvefur TED, eru upplýsingar um útboðsvefi og opinberar upplýsingaveitur í hverju landi fyrir sig. Upplýsingarnar eru ekki tæmandi og áhugasömum er bent á að  skoða t.d.

vefi opinberra stofnana og fyrirtækja
vefi sveitarfélaga
dagblöð og tímarit
vefi samtaka og viðskiptaráða
upplýsingar frá erlendum samstarfsaðilum

Á þessum vef eru upplýsingar um útboð í þeim löndum sem eiga aðild að verkefninu. Þeim sem vilja skoða útboð í Noregi er bent á vefinn Doffin sem er mikið notaður af íslenskum fyrirtækjum. Fyrirtæki sem hafa áhuga á að selja til alþjóðastofnana ættu að skoða eftirfarnadi vefi:

Sameinuðu þjóðirnar – UN Global Marketplace

NATO

ACO (SHAPE): www.acno.nato.int

Static Base Support and Operations Support

ACT (SACT): www.act.nato.int
Research & Development, training, and consulting

NATO HQ: www.nato.int
Base support, IT, media, and reform initiatives

NC3A: www.nc3a.nato.int
R&D and CIS investment projects

NAMSA www.namsa.nato.int
Logistics investment, systems support and operations support

NCSA www.ncsa.nato.int
CIS support services and consumables

EBRD - http://www.ebrd.com/saf/search.html?type=procurement_notice

Flestir opinberir vefir, sem veita upplýsingar um útboð, bjóða fyrirtækjum að skrá sig á póstlista og fá sendar upplýsingar þegar ný útboð eru birt. Í sumum tilvikum greiða fyrirtæki fyrir þessa þjónustu.
Að auki eru fjölmörg einkafyrirtæki sem bjóða þjónustu við að vakta opinber útboð og senda í tölvupósti um leið og þau birtast. Þessi þjónust er veitt gegn gjaldi. Sum þessara fyrirtækja ganga lengra og veita aðstoð við allt ferlið, allt frá því að finna útboð til tilboðsskrifa.

Í tengslum við verkefnið T4SME getur Íslandsstofa boðið íslenskum fyrirtækjum þriggja mánaða reynsluáskrift að vöktunarþjónustu án endurgjalds. Samstarfsaðili Íslandsstofu í verkefninu,  EISC Ltd. í Southampton, hefur sérhæft sig í að aðstoða fyrirtæki við leit að útboðum. Sjá
http://www.winningtenders.eu/new/tender-search/free-trial/